Чистай районында ял
Чистай матур табигать кочагында урнашкан. Биредә ял итү өчен урыннар күп. Ялыңны файдалы итеп табигать кочагында үткәрергә, паркларда, скверларда йөрергә мөмкин. Елдан-ел яңа җәмәгать киңлекләре барлыкка килә, алар чистайлылар, шулай ук шәһәребез кунаклары арасында да зур популярлык белән файдаланыла.
-
Турбазалар һәм глэмпинглар
-
Чистайда «Яшьлек» пляжы
Тасвирлама: Чистайның яр буе төзекләндерелә. Бүгенге көндә шәһәрлеләр «Яшьлек» пляжына ял итәргә киләләр, биредә коенырга , шулай ук кызынырга мөмкин. Җәйне кая үткәрергә кирәклеге хакында безнең белешмәлектә укыгыз.
Быел көтеп алынган вакыйга – яңа «Яшьлек» пляжының ачылуы ул. Чистай шәһәре елга буенда урнашса да, озак еллар дәвамында заманча, җиһазландырылган, барлык таләпләргә җавап бирә торган пляжы булмады.
Җирле халык һәм шәһәребез кунаклары өчен «Туризм һәм кунакчыллык индустриясе» милли проекты ярдәмендә уңайлы ял итү урыны барлыкка килде.
– Биредә балалар өчен тирәсе тотып алынган, кабартылган таулар, батутлар һәм уен комплексы – лабиринт белән җиһазландырылган территория бар. Зона яту урыннары һәм вакытны тыныч уздыру өчен ясалган зонтлар белән җиһазландырылган. Шулай ук җәйге кечкенә өйләр төзелгән, аларны пляжда ял иткән вакытта арендаларга мөмкин. Шулай ук су велосипедлары һәм резин көймәләр прокаты оештырылган, бильярд һәм аэрохоккей уйнарга мөмкин, – дип сөйли Чистай муниципаль районы башлыгы Дмитрий Иванов.
Чистайлылар пляж территориясендәге яңа урынны бәяләргә өлгерделәр дә инде. Биредә теләсә кайсы вакытта төрле яшьтәге ял итүчеләрне күрергә мөмкин.
Шулай ук шәһәрдә җәмәгать урыннары бик күп. Күптән түгел ачылган «Яр буе» паркы һәм пассажирлар пристане янындагы сквер шәһәрлеләрнең яраткан урыныныа әйләнде. Әлеге мәйданчыкларда яшьләр, балалар, шулай ук өлкәннәр өчен төрле шәһәр чаралары үткәрелә.
Шулай ук соңгы елларда шәһәрлеләр яратып өлгергән урыннарның берсе Скарятин бакчасындагы утлы-музыкаль фонтан. Аның янына кич белән шәһәрлеләр җыела, күбесе классик музыка тыңларга һәм «Биюче» фонтанның матурлыгына сокланырга балалары белән киләләр. Шунысын да әйтеп үтәргә кирәк, әлеге фонтан Чистайның мактаулы гражданины Виктор Васильевич Смыков ярдәме белән булдырылды.
Чистай үсә, озакламый биредә тагын бер ял итү урыны барлыкка киләчәк.
Киләсе елда Ленин урамының үзәк участогында күләмле төзекләндерү эшләре көтелә.
Чистай кече шәһәрләрдә һәм тарихи җирлекләрдә уңайлы шәһәр мохиты булдыруның иң яхшы проектлары Бөтенроссия конкурсында җиңүчеләрнең берсе булды.
Безнең шәһәр «50 меңнән 100 меңгә кадәр халкы булган кече шәһәрләр» категориясендә отты. Ул төзекләндерүгә 96,6 миллион сум акча алачак. Ленин урамының Лев Толстой урамыннан алып Нариманов урамына кадәр участогы яңартылачак.
«Яңа киңлек җәяүлеләр маршрутының дәвамы булачак, шулай ук тарихи кварталда шәһәр бәйрәмнәре һәм көндәлек ял итүләр өчен яңа мохит тудырачак», – диелә ТР шәһәрләрне үстерү Институты хәбәрендә.
