Чистай җирендә күпсанлы мәдәният учреждениеләре эшләп килә. Шәһәрнең һәм районның иҗади коллективлары зур булмаган концертларда, күләмле мәдәни чараларда тамашачыларны үзләренең матур чыгышлары белән сөендереп торалар.
«Шапчак»чуваш халык җыр һәм бию ансамбле
«Шапчак» чуваш халык җыр һәм бию ансамбле 1996 елда элеккеге мәдәният идарәсе начальнигы, ТР атказанган мәдәният хезмәткәре Рафик Әхмәтов инициативасы белән оештырыла. Ансамбльнең беренче җитәкчеләре булып анда катнашучылар Лариса Долгова, Нина Федотова тора. Ансамбльнең хәзерге җитәкчесе – Исхак Мөхәммәтов. 2011 елда «Шапчак» ансамбле халык ансамбле исеменә лаек була.
Ансамбль бик теләп фольклор сәнгатенең нигезе булган чуваш халык җырларын башкара. Ул шәһәр һәм районның төп бәйрәмнәрендә бик теләп катнаша. Ансамбль халык иҗатының һәм халык җырларының күпсанлы фестивальләре, конкурслары лауреаты һәм дипломанты исемен яулады.
«Багалмам» керәшен ансамбле
«Багалмам» керәшен ансамбле 2017 елның апрелендә Чистай керәшен мәдәни җәмгыяте рәисе Иван Петрович Чурин ярдәмендә һәм Татарстанның атказанган мәдәният хезмәткәре, ансамбльнең беренче җитәкчесе Вячеслав Алексеевич Митрофановның актив эшлекле катнашуында оеша. Аны «Багалмам» исемле җыр хөрмәтенә шулай атаганнар, ул «Пешкән алма» дигәнне аңлата.
Ансамбльдә 13 кеше. Бүгенге көндә аның белән Рифкать Җәүдәт улы Гобәйдуллин җитәкчелек итә, ул ансамбльдә бердәнбер баянчы. Ансамбль 100дән артык чыгыш ясаган. Иң яшь катнашучыга 54, иң өлкәненә 89 яшь. 2023 елда коллектив халык коллективы исемен яулый.
«Рус җыры театры»
«Рус җыры театры» җыр һәм бию халык ансамбле 2007 елда оештырыла. Коллективны оештыручы һәм җитәкчесе Татарстан Республикасының атказанган мәдәният хезмәткәре Любовь Владимировна Смирнова. Коллективта катнашучылар төрле һөнәр ияләре , аларның барысын да рус җырына мәхәббәт берләштерә. Коллектив репертуарында халык һәм эстрада, шулай ук совет композиторлары җырлары.
Үзенең яшәү дәверендә театр ел саен бер концерт программасы әзерли. Концертлар аншлаг белән берничә көн дәвамында уза. Тамашачылар бу коллективны шатланып каршы алалар. Иҗади сезон барышында коллектив барлык шәһәр һәм муниципаль чараларда актив катнаша.
Әлеге коллектив «Халык чыганаклары» халык иҗатының беренче Республика телевизион фестивалендә, «Каравон» республика фестивалендә, «Уйна, гармун», раеспублика бәйрәмендә, «Казачий круг», «Катюша», «Татарстан – безнең йортыбыз» республика конкурсл арында, Анапа шәһәрендә үткән «Россиянең җырлаучы кыллары» Бөтенроссия конкурсында катнашты. Шулай ук ул Франциядә үткән «Парижда яз» халыкара фестивалендә Татарстан Республикасын тәкъдим итте.
Милли мәдәниятебез традицияләрен һәм иҗатын саклауда керткән саллы өлеше өчен Рус җыры театры күпсанлы грамоталар, дипломнар һәм Рәхмәт хатлары белән бүләкләнде.
«Халык моңнары» рус җыры халык ансамбле
Четырче авылы мәдәният йорты базасында Валентина Александровна Потасьева җитәкчелегендә «Халык моңнары» рус җыры халык ансамбле эшләп килә. Вокаль ансамбль 1988 елда оеша. 2018 елда аңа халык ансамбле исеме бирелә. Коллектив Чистай районының визит карточкасы булып санала. Ул лаеклы рәвештә милли сәнгатебезне пропагандалый. Коллектив – Четырче мәдәният йортында үткәрелүче барлык чараларда катнаша. Чистай шәһәре һәм районы сәхнә мәйданчыкларында үткәрелүче барлык концерт программаларында бәйрәм бизәге булып тора.
«Камушка» рус халык фольклор ансамбле
«Камушка» халык фольклор ансамбле 1984 елның декабрендә Кубасс авылы мәдәният йорты базасында оеша. Аның составына мәдәният хезмәткәрләре, пенсионерлар, педагоглар: рус культурасын, халык җырларын яратучы талантлы, иҗади кешеләр керә. Беренчеләрдән булып ансамбльгә Тамара Кузина, Антонина Бусыгина, Любовь Жиганова килә, алар бүген дә тамашачыларны сөендерүләрен дәвам итәләр. Коллектив җитәкчесе – Румия Хатыйп кызы Сәүбәнова.«Камушка» ансамбле Лаеш районы Никольское авылында үткәрелүче «Каравон» рус фольклоры республика фестивалендә Чистай районының визит карточкасы. Коллектив фестивальдә үзенең оешкан көненнән бирле, 20 елдан артык чыгыш ясый.«Камушка» ансамбленең төп бурычларыннан берсе — халык бәйрәмнәренең традицион йолаларын яңарту.
Коллектив — туган авыллары Кубасста, шулай ук Чистайда һәм районда үткәрелүче бәйрәмнәр бизәге ул.
«Илем» чуваш халык фольклор ансамбле
Чуваш халык фольклор ансамбле «Илем» 1989 елда Түбән Кондрата авылы мәдәният йорты базасында оеша һәм бүгенгәчә авыл, район, республика халкын чуваш халык җырлары һәм йолалары белән сөендереп тора. 1991 елда ансамбльгә халык исеме бирелде. 2023 елда әлеге исем лаеклы рәвештә расланды. Менә инде 34 ел ансамбль үз халкының мәдәниятен саклап, халыкка хезмәт итүен дәвам итә. Ансамбль җитәкчесе — Алевтина Нухратова.
«Илем» ансамбле — чуваш шагыйре Петр Хузангай туып-үскән Әлки районы Сиктермә авылында уздырылып килүче «Уяв» чуваш халык иҗатының республика бәйрәмендә Чистай районының визит карточкасы.
Ансамбль — туган авыллары Түбән Кондратада һәм шулай ук Чистай шәһәрендә һәм районында үткәрелеп килүче барлык бәйрәмнәрнең бизәге ул.
«Сөмбел» татар халык ансамбле
«Сөмбел» татар халык ансамбле мәдәни-ял итү үзәгендә эшләп килә. Аны ансамбльнең беренче сәнгать җитәкчесе — Татарстан Республикасының атказанган мәдәният хезмәткәре Вячеслав Алексеевич Митрофанов (1957-2019) 1995 елда оештыра.
Ансамбль репертуарында — татар, керәшен халык җырлары, татар композиторларының классик һәм заманча көйләре.
«Сөмбель» ансамбле — күпсанлы конкурслар җиңүчесе, Илһам Шакиров (2003) исемендәге татар җырларын башкаручыларның халыкара конкурсы лауреаты.
Бүгенге көндә «Сөмбел» татар халык җыр һәм бию ансамблен музыкант, таалантлы педагог Рифкать Гобәйдуллин җитәкли.
