«Нур» мәчете

Тасвирлама:
Чистайда беренче мәчет 1859 елда Нократ губернасы Малмыж өязе Югары Сосна авылы сәүдәгәре Хәсән Муса улы Якупов акчасына төзелгән.
Социаль челтәрләр:
- https://vk.com/muhtasibat
Адресы:
Чистай, Вахитов ур., 39

Яшәүчеләрнең төрле еллардагы тормышы турында сөйләүче биналар, корылмалар, истәлекле мәдәни һәм архитектура урыннары Чистайда шактый. Татарстанда иң борынгы «Нур» мәчете Чистай татарлары, аерым алганда, беренче мөселман мәхәлләсе тарихы белән тыгыз бәйләнгән. Башта мәчет өч бүлмәдән: вестибюль, кече зал һәм төп гыйбадәт залыннан торган. Кече зал белән вестибюль берләштерелгән һәм ике яклы түбә белән капланган. Вестибюльдән тар гына баскыч манарага алып барган. Ул күләм-киңлек чишелеше һәм декоратив бизәлеше буенча Казанның «Нурулла» мәчете белән аваздаш. Баштагы манара ХХ йөзнең 30нчы елларында җимерелгән һәм бары тик 70нче елларда гына торгызылган. 80нче еллар ахырында бинаны төзекләндергәндә вестибюль күләменә көнчыгыш яктан тагын бер керү янкормасы ясалган. «Нур» мәчете һәрвакыт Чистай мөселманнары өчен рухи яшәү чыганагы булды һәм шәһәрнең кешеләр иң күп йөри торган дини оешмаларының берсе булып кала.