Чистай районы башлыгы Дмитрий Ивановның Ватанны саклаучы көне белән котлавы

23 февраль — батырлык, фидакарьлек, абруй һәм намус символы. Бу көнне без Ватаныбызны саклаган һәм саклавын дәвам иткән һәркемгә хөрмәт һәм рәхмәт белдерәбез.
Ныклык, кыюлык, батырлык, Ватанны ярату, халкыбызның рухи көче Бөек Ватан сугышының авыр елларында аеруча ачык чагылды. Без нацизмны тар-мар иткән батыр җиңүчеләр буынына рәхмәтлебез. Без һәрвакыт аларга охшарга тырышачакбыз.

Интернациональ бурычларын үтәгән, илнең территориаль бөтенлеген саклаган хәрби хезмәткәрләр үзләренең ата-бабаларына лаеклы алмаш булдылар.
Якташларыбыз бүген дә Россия мәнфәгатьләрен фидакарьләрчә яклыйлар, махсус хәрби операция барышында аның киләчәге өчен көрәшәләр. Без алар белән горурланабыз, ихтирам күрсәтәбез һәм һәрнәрсәдә ярдәм итәбез, тизрәк өйгә кайтуларын көтәбез.

Бу көнне без районыбыз, республикабыз һәм илебез файдасына эшләүче барлык патриотларны да хөрмәтлибез. Россия Армиясе сафларында лаеклы хезмәт иткән, яшьтәшләре өчен үрнәк булган районыбыз яшьләре ихлас хөрмәткә лаек.

Бу бәйрәмдә һәр гаиләгә игелек, бәхет, үзара аңлашу һәм иминлек телим!