Чистайда берничә юнәлеш үсеш алган. Футболчылар үзләренең уңышлары белән танылган. Аларның тренировкалары «Татнефть-Олимп» спорт мәктәбенең төп кырында уза, ә соңгы өч елда күп кенә спортчылар ярышларга әзерләнәләр һәм ТРның атказанган физик культура хезмәткәре Винатолий Александрович Уваровский исемендәге ябык футбол манежы базасында яңа заманча шартларда күнекмәләр туплыйлар.
Шулай, «Труд» һәм «Труд-2» командалары Татарстан Республикасының рәсми республика беренчелекләренә һәм бүләкләргә дәгъва кылалар. Узган һәм агымдагы уку елларында тренерлар Алексей Михайлович Пазиненко һәм Вячеслав Евгеньевич Левановның шәкертләре А дивизионында мини-футбол буенча Татарстан Республикасы беренчелегендә көмеш медаль яуладылар, Б дивизионында Станислав Валерьевич Гомонов, Алексей Михайлович Пазиненко һәм Вячеслав Евгеньевич Левановның шәкертләре үз яшь категориясендә Татарстан Республикасы беренчелегендә алтын медаль яуладылар, ә Ринат Әхтәм улы Ишмаков – II урын. Зур футбол буенча Татарстан Республикасы беренчелегендә Станислав Валерьевич Гомонов җитәкчелегендә тәрбияләнүчеләр ике II урынны алды.
Чистай шулай ук үзенең хоккейчылары белән дә данлыклы. Спортчыларның исемнәре бөтен республикада һәм аннан читтә дан тота. Балалар һәм яшүсмерләр белән тренировкалар көн саен уза. Җәй көне көнгә 4 тапкыр: боз өстендә һәм урамда. Тренерлар һәм спортчылар сөйләвенчә, бу хоккейчылар өчен иң авыр вакыт, алар күп күнегүләр ясыйлар һәм яңа сезонга әзерләнәләр. Алда балаларны күп уеннар һәм турнирлар көтә. Кыш көне тренировкалар азрак – алар көненә 2 тапкыр уза.
Егетләрнең уңышлары тренерларга бәйле. Сүз уңаеннан, Чистайда яшь һәм көчле состав эшли. Моны барлык командаларда булган дисциплина дәлилли. Балалар барысы да төрле һәм һәрберсенә индивидуаль якын килү кирәк. Бу бурычны һәр тренер үти.
Яхшы хоккейчы нинди сыйфатларга ия булырга тиеш? Беренчедән, ул хоккей яратырга һәм тренировкаларга йөрергә тиеш. Икенчедән, хоккейчы хезмәт сөючән һәм максатчан булырга тиеш.
Һәр уен алдыннан тренерлар җыелыш үткәрәләр, анда балалар белән аралашалар, аларны дәртләндерәләр, үгет-нәсыйхәт сүзләре әйтәләр. Ә уен вакытында аларга һәрвакыт ярдәм итәләр һәм кирәкле киңәшләрен бирәләр.
Командалар һәм аларның эшчәнлеге турында тулырак безнең белешмәлектә укыгыз.
