Чистай районында мәгариф

Районда 42 балалар бакчасы, 31 мәктәп һәм өстәмә белем бирүче бер учреждение бар.

Шулай ук муниципаль район территориясендә 3 һөнәри белем бирү учреждениесе (авыл хуҗалыгы техникумы, медицина көллияте, КИУ көллияте филиалы; 2 югары һөнәри белем бирү учреждениесе филиалы (КАИ-КНИТУның «Восток» филиалы һәм В. Г. Тимирясов исемендәге КИУның филиалы) бар.

Районның белем бирү оешмалары укучылары даими рәвештә республика, шулай ук бөтенроссия дәрәҗәсендә үткәрелүче олимпиадаларда, конкурсларда һәм конференцияләрдә җиңүчеләр һәм призерлар булалар.

Ел саен мәктәпләрнең чыгарылыш укучылары бердәм дәүләт имтиханында менә дигән нәтиҗәләр күрсәтәләр. Мәсәлән, 2024 елда чыгарылыш сыйныф укучылары алты 100 баллы нәтиҗәгә, шуларның икесе — 1нче лицей һәм 3нче гимназия укучылары икешәр иң югары нәтиҗәгә ирештеләр.

Узган уку елында 73 чыгарылыш сыйныф укучысы мәктәпне иң яхшы билгеләренә тәмамладылар һәм «Укуда аерым уңышлары өчен» медале белән бүләкләнделәр.

Даими рәвештә белем бирү учреждениеләренең инфраструктурасы камилләшә.

Республика программасы буенча балалар бакчалары һәм мәктәпләр капиталь ремонтлана.

Чистай районының белем бирү оешмаларында тәҗрибәле һәм квалификацияле педагоглар эшли. Алар арасында хезмәт династияләре вәкилләре дә аз түгел.

Чистай районы мәктәпләрендә «Үсеш нокталары» эшләп килә. Бүгенге көндә алар 9, шуның 2се — цифрлы һәм гуманитар профильдә, 7се — табигый-фәнни һәм технологик юнәлештә.

«Үсеш нокталары» — «Мәгариф» милли проектының «Замана мәктәбе» федераль проекты кысаларында ачылучы белем бирү үзәкләре.

Гомумбелем бирү оешмалары базасындагы әлеге үзәкләр укучыларны әзерләү сыйфатын күтәрүдә шартларны формалаштыру, шәһәрдә һәм авылларда урнашкан мәктәпләр арасындагы аерманы киметү өчен оештырыла.
«Үсеш нокталары» үзәкләре гомуммәдәни кыйммәтләрне, цифрлы грамоталыкны, укучыларның проект эшчәнлеген үстерү өчен мөһим. Уку биналары яңартылган, заманча җиһазлар белән баетылган. Балаларга сыйфатлы, заманча белем алу өчен барлык шартлар да тудырылган.

Районда 42 балалар бакчасы эшли

Мәктәпкәчә белем бирү оешмаларында күп кенә проектлар тормышка ашырыла. Мәсәлән, буыннан-буынга күчү кысаларында «Кечкенә остазлар», «Иртәгә инженерлар», «Робомастер» проектлары башлангыч мәктәпләр һәм инженер сыйныфлары (2, 6,8,20,26,28нче номерлы балалар бакчалары). Балалар телевидениесе Студияләре, Мультстудияләр, Легостудияләр эшли.
Шәһәр балалар бакчалары «Алдынгылар хәрәкәте» Бөтенроссия хәрәкәтенә кушылдылар. Хәрәкәтнең пилот мәйданчыгы булып 20нче номерлы балалар бакчасы тора. Уку елы башыннан әлеге проектка 1, 2, 22, 28 нче номерлы балалар бакчалары да кушылды.

Балалар бакчаларында инклюзив белем бирүгә аерым игътибар бирелә. Аның кысаларында аерым ихтыяҗлары булган балалар җиңелләштерелгән белем һәм белем бирү процессында шәхси ярдәм алалар.
Алты мәктәпкәчә белем бирү учреждениесендә махсус төркемнәр (коррекцияле, сәламәтләндерү) эшли.

Районда мәкәпкәчә белем алу мөмкинлеге 70,2 процент тәшкил итә. Балалар бакчаларына чират күзәтелми, 3-7 яшьлек балалар барысы да урыннар белән тәэмин ителгән.